TUMCHEA GANVA IEVZONN TOIEAR KORAT-TANTUNT VANTTO GHEIAT

TUMCHEA GANVA IEVZONN TOIEAR KORAT-TANTUNT VANTTO GHEIAT
____________ _________ _________ _________ _________ _________


Goem Prodexik Ievzonn Mosudea supurli-margdorxika

Goa Bachao Abhiyan-an bhovxik loka-hita khatir uzvaddailea

TUMI HEA KAR'IANT VANTTO GHEVPACHI HI TAKTIKE-PUSTIKA

2006 vorsa Goem Prodexik Ievzonn-2011- hiche add loka-chollvoll korpak GBA-n fuddakar ghetlo. Tancheo mukhel netta-magnneo oxeo asleo: Ti 2011 Ievzonn na-noposcheat korchi ani Raxttrbandavolli 73vea ani 74vea durustim promannem, jim kaidea-kolmam lokam-ni aplea ievzonneam-ni vantto ghenvcho mhonnun sangtat, novi Ievzonn manddchi. Town& Country Planning Act,1974, kaidea khala, novi Prodexik Ievzonn-2011 korcheak Sorkaran ek Task Force vo Kar'ia-Somiti ghoddoili. Hea kalla-bhairea kaidea khala toiear kel'lea karonnak lagun, Prodexik Ievzonn-2011 Mosudo (DRP2021) Raxttrbandavolli 73vea ani 74vea durustim khorelea monan sokoilea-panvddea lokam-meren ievzonn zanvk zai mhonnun hixebak dhorina. Punn tumchea sthanik ganva-sonvstham gorzo ani aspot-girestkai tharanvcheak tumi tantunt vantto ghevcho mhonn tumkam daram ugtim korta. Hacho ul'lekh hea dakhleant XXXIII panacher kela ani lokam-ni vantto ghenvcheak don-panvddeam prokria-rit suchoita. Hi kosrot-rit kelea uprant, eke prosnavolli adharan ani heram lagim ulovn-bhasabhas korun, tantunt tumcho Vaddo tumkam sam'ko bott dakhonvk mellttolo, tumcheo gorzo ani haves tharavnk mellttole.Hacher adharun khorem mhollear adorx-ritin tumcheam-ni tumchi dhortori tumchea tabeant dovrum ieta ani ticho upeg tumchea ganvant bandavolli ubarunk-bosonvk ani tichi / tanchi rakhonn-samball bore bhaxen korum ieta.

Hi sond' sadhun tumcho avaz vhoddlean utthoieat ani Sorkar ani tachea
khateam-ni lokak aikun ghevchem mhonn kaidean soktichem korchem ani
aple kalla-bhaire Raj'eantle kaide (zoso TCP Act of 1974) durust
korche, mhonnpachem Sorkaracher cheponn ghalat.

MANDDAVOLL

Prodexik Ievzonn-2021 Mosudo (RP2021). Ganva-mhaiti pustika………4
Odhikarinni ani Somiti Ghoddon………………………………… ………7
Vavra-kosrot 1 – Dhortori/ Zomin topasun ghenvchi………………… …… 8
Vavra-kosrot 2 - Tumcheo gorzo tharanvcheo……………………… …… 10
Bhonvtonni-Hollveo Suvato – 1 …………………………………… ……12
Bhonvtonni-Hollveo Suvato – 2 ……………………………… ………… 14
Tumchea ganvak lagtoleo bariksanni
(FAR,VP dorzo, Rostea-rundai, DPR. 16
Noveo ud'degik Suvato ani Sorkaran ghetil'li zomin……………… ………28
Nagovnn vo Chuk? Nokaxe 1 & 2 sor korun gheiat…………………… …..30
Mhaiti-mellcho Hok' (RTI)………………………………………………… 32
G.B.A.-n kel'leo netta-magnneo ani chittim nomune……………… ……34
Tumchea Amdarank bhettun gheiat………………………………… ………37.

PRODEXIK IEVZONN MHOLLEAR EK DHORONNA-DAKHLO (Policy Document), ZACHER ADHARUN DHORTORE UPEG KOSO KORCHO TO THARAITAT.
DIL'LEA GANVA-SAMANA- VOSTUM-NI( Village Kit) TO DAKHLO VACHUN GHEIAT..

Hanga vornnun sangleant tim dhoronnam Sorkara koddlean ail'lim. Tumi
te dhoronna-dakhle vachunk zai ani dhortorer tanche promannem khorelem kitem asa tem topasun ghenvk zai. Tim dhoronnam tumchea ganvak lagu zavn upkara poddttat zalear tharaiat.

Avesvor-I - Goem-2021 koxem aschem tachi Ievzonn

Avesvor-II – Lokvosti ani Suvatam-khatir Mann'nneo – 2001 vorsa
sorvekxonn kel'lea promannem fuddem kitem zatlem tacho odmas korun
nokaso toiear kela ani tacher adharun ganvanchem vorgikoronn kelam.
Hacher adharun tumchea ganvant dinv-ietat title FAR ani VP dorzo dila,
zacher bhasabhas magir kelea. Tem kel'lem asa toxem tumkam naka
zalear, tumcheam-ni suvatam nokaso bodolcheak magum ieta.

Avesvor-III - Arthik Vibhag ani Dhortore upeg - Kitem zanv-ieta tachi
dekh sokla dilea. Ek jetty-dhoko dakhoila zalear, to 'Nustem-mari'
dhoronna khala nustem-martolea bottim khatir zanv-ieta vo to '
Bhonvddekaram' dhoronna khala Casinos ghalpak divum-ieta.
Mhaiti-mellchea Hok'ka (RTI) adharan to kiteak upkaranvk tharaila tem
sodun kaddat. To upeg tosoch dovorcho vo nakarcho vo bodolcho, hantlem ek tumi tharaiat.

Dekhik: Novi jetty vo dhoko khoincheai dhoronnak lagu zanv ieta,
khoinche khatir tumkam ti / to khoreaninch zai tem khatri korun
gheiat.

Avesvor-IV - Somajik buneadi-bandavolli Vibhag
Avesvor-V - Prokrutik buneadi-bandavolli Vibhag
Avesvor-VI –Vibhadd Alla-bonda haddcho ani Bhonvtonni-hollveo suvato
Avesvor-VII – Prodexik Dhortore Upega Nokaso
Avesvor-VIII – Bandavoll korche Ievzonne Adex
Avesvor-IX – Prodexik Ievzonn Goem-2021 – vevharant koxi ghalchi.

TUMCHEA GANVA-SAMANA VOSTUM VOLLERI PANCHAYINT DOVORLEAT TEO TOPASUN POLLEIAT :

1) Mhala (Taluka)-patlli Nokaso (1:25,000 hea mapan kela) 1

2) Don Ganva Nokaxe – 1:5000 mapan keleat, zhoim dakhoilea:
a) Sorv'sadharonn Bhonvtonni-hollveo ani bandavollik suvato
b) Suvate-konnkonni vanttnni korun bandavollik suvato

3) Prodexik Ievzonn Mosudo (DRP) 2021 Dakhlo

4) Dhortore upeg korpa manddavolli foddnixi

5) Vantto-Ghevpa Prokrie-kar'ea Prot

6) Ganva-vixim Prosnavoll (Inglez/Konknni/ Marathi)
____________ _________ _________ _________ _________ _________
Chotrai 1 – Sorkari khateam-ni odhikrut ritin dil'le unne ani moriadit
mhaiticher adharun ho Ievzonne Mosudo toiear kela. Tumche lagxil'le
bhonvtonnicher tumcho dollo axil'lean, tumi hem sarkem kortolim ani
khoreli-sarki mhaiti ditolim mhonn ravtanv. Hem kelear jen'na ti
Prodexik Ievzonn sorkari rajpotrar jahir zavn ietli, ten'na tumcheo
netta-magnneo odhikrut ritin nondun ghetle. He prosnavolli adharan
tumcheo gorzo ani haves tharavn sangat. Fokot te prosnavollik zap divn
moriadit ravpachi goroz na. Goroz poddlear anik panam zoddun tancher
tumcheo magnneo manddat.

HE DEKHAVE NOKAXE 2a & 2b – HANCHEM MODEM FOROK DAKHOITAT

2a 2b

BANDAVOLLIM KHATIR BANDAVOLLIM KHATIR

Bandavollink Rajpotrar Bodol (Bandavollink)
Rajpotrar Bodol (Ud'degik)
Bandavollink Upogroha promannem
Bandavollink 1971
Bandavollink Prodexik Ievzonn 2001

Donui nokaxeam-ni dakhoil'li suvat tich urtoli; fokot 2b vanttnni dakhoita.
____________ _________ _________ _________ _________ _________
Chotrai 1 : RAJPOTRA BODOL NIMANNE VO TATPURTE zanv-ietat.. NIMANNE mhollear kaidexir, zalear TATPURTE aslear, tankam avhan divum ieta vo tanche add vochum ieta. Pilerne (ojap mhollear) 31 Panar Tatpurtea Rajpotrant dakhoilam..

Chotrai 2 : Upgrohan (Satellite) kaddleant tim chitram kaidexir asat
oxem mhonnum nozo punn tim dhortorechem khorelem chitr kaddttat. Hem ghevn dhortorer taka kaidexir rup sarkem asa zalear Gram-Sobhent
bhasabhas zanvk zai ani tem kaidean tharear ghalunk zai vo naka tem
tharavnk zai.

Sorv'sadharonn nokaxeanr bandavollink suvato mosumbi-rongan dakhoileat (dekhik 2a)

Bandavollink suvato sorkari mhaiticher adharun TEA DISA asat toxeo
dakhoileat ani teo fuddem ievjil'le bodol dheanant ghena bhairavn
Sorkari ievzonno/ dhoronnam (vegllea rongam-ni dakhoileat).

Nokaxeanr dakhoil'leo suvato TUMCHEA BHAGANT DHORTORER koxeo asat teo kosak lavn pollenvk zai. Forok aslear to tumchea Panchayat-intlea Ganva-Patlli Somitiche nodrek haddunk zai. Hi sogli prokria-vavr
choltana, tumi, zonn-eklean ani pongddam-ni, odhikaream lagim manddil'lea dakhleam-cheo pavti dil'leo proti fuddara khatir rakhun
dovorcheo, hem bhovuch mhotvachem.

ODHIKARI – (DRP 2021 Prokrie-vavrachea hea panvddear kallea-okxoram- ni dil'lem borovp odhikrut zavn asa, zalear nillea-okxoram- ni kel'lem borovp Raxttrbandavollin manil'lem punn azun vevharant ghalunk
naxil'lem tem dakhoita.)

Vaddea Udorgoti Somiti (WDC) ji sod'eachea bhugolik vaddeam-cher
adharlea. Raxttrbandavollint ul'lekh kela tea 29 kamam promannem
mhaiti ektthaim korpachem tanchem kortov'eo zavn asa. 1:2000 mapa
promannem he patllicher tannim nokaxe toiear korunk zai.(zoxem DRP2021 dakhlea 108 panacher boroilam). (Vaddea konnkonni ievzonn korchi mhonnpachem KAIDEAN MANUN GHETLAM, zorui tem dhortorer azun vevharant haddlem na.

Ganva-Patlli Somiti (VLC) vaddea-konnkonni Panchayatik gorje khobor-mhaiti ditoli ani ti 1:5000 mapa Ganva-Nokaxeant xinvun ghetoli. (Panchayatik KAIDEAN MANUN GHETLA ani dekhun takai he prokrient vantto ghevpak upkaraitat).

Mhala (Taluka) Patlli Somiti (TLC) Panchayati koddlean durust-kel'lea
nokaxea mhaiti ani anik kiteim axil'leo nondi ektthaim kortoli ani ti
Mhala-patlli nokaxeant 1:25000 mapa hixeban zoddttoli/ bhorxitoli.
(KAIDEAN MANUN GHENVK NA, zorui proxasonik sompeponnak lagun he
vavra-prokrient tea nokaxea-cho upeg kela)

Jil'lea Ievzonn Somiti (DPC) ji sogleam Ganva/ Mhala koddlean ail'li
mhaiti ektthaim korun Jil'lea Ievzonn toiear korta. ( Raxttrbandavolli
73vea ani 74vea Durustim promannem tantlo ek bhag mhonnun KAIDEAN
MANUN GHETLEA. Torui astona dhortorer azun ti toxi akhepaien cholona).

Raj'ea-Patlli Somiti (SLC) Mhala-Patlli Somiti ( hi khoreaninch DPC
zavpachi) koddlean ektthaim kel'li mhaiti apunn gheta ani magir Goeam
khatir Nimanni Prodexik Ievzonn 2021 toiear korta.
GANVA-PATLLI SOMITICHI GHODDON –
1 – Vaddeam protinidhi
2 – Gram-Sobhe protinidhi
3 - Panchayti-ganvant ravtole sthanik zannkar/ tekniki monis

* Bailank ani SC/ST/OBC vorga mon'xank favo tem protinidhitv diat

Hi Somiti unneant unnea 12 zannam vangddeanchi astoli.

MHALA (TALUKA) PATLLI SOMITICHI GHODDON –
1. Town Planner/ Dy.Town planner
2. Dy.Director Panchayats – Tea tea Jil'leacho
3. B.D.O. – Tea tea Mhala/ Talukea-cho
4. Asst.Engineer, PWD (Bandavolli) – Tea tea Mhalacho
5. Bholaike-Odhikari
6. GIRDA-cho Protinidhi
7. Dy.Town Planner Vinod Kumar, R.P.2021 Vibhaga protinidhi

RAJ'EA-PATLLI SOMITICHI GHODDON –
1 – Mukhel Montri & TCP Montri……………………… …………Iezman
2 - Commissioner & Chittnis (TCP)…………………………Palvi-Iezman
3 - Edgar Ribeiro, Budh-divpi, Prokrutik Ievzonn…………..Vangddi
4 - S.T. Puttaraju, Senior Town Planner……………… ……. Vangddi
5 - Sanjit Rodrigues, Sonchalok, Ud'deg (Industries)…. Vangddi
6 - Sonchalok, Panchayatim………………………………… …… Vangddi
7 - Sonchalok, Municipal (Xaram) Proxason ……… ……… Vangddi
8 - Arch. Dean D'Cruz, RP2021 Task Force-a vangddi…Vangddi
9 - Rahul Deshpande, RP2021 Task force-a vangddi……Vangddi
10 – Mukhel Town Planner…………Vangddi & Nimontrok (Convener)

VAVRA-KOSROT 1 –VEG-VEGLLE NOKAXE GHEVN TANTLE SARKE KHOINCHE TE SODUN KADDAT Poilem pavl mhollear fuddli ievzonn korche adim mullavo-nokaso sarko asa zalear polleiat. Ek suvat mosumbi-rongan 'Bandavollink' dovorlea zalear, Ti DHORTORI BHORUN KADDUM IETA VO THOIM BANDAVOLL ROKDDICH SURU KORUM IETA, oxem nikhalus nhoi. Kaidean manieotai asa zalear hem lagu zaina.

Sam'kem nischit nimannem chitr ghevpak hea gozalinchi goroz urta –
1-Ganva Sorvekxonn Ievzonn, tache up-vanttnni soit – 1:5000 hea mapan – Land Survey Department-hea khateantlean
2-Prodexik Ievzonn -20-hichi Mhala(Taluka) Dhortore Upega Nokaxea ek
Prot (Copy) – Town and Country Planning Department/ PDA – hea khateantlean
3-ODP/ Zoning Plans je tumchea bhagant poddot – tancheo proti – Town and Country Planning Department – hea khateantlean
4- Rajpotrant Bodol, hanchi volleri – Town and Country Planning Department – hea khateantlean

He dakhle ghevn, tumkam dil'lea Ganva-samana- vostum (Village Kit)
promannem, tumchea ganva-nokaxea kodden sor korun gheiat and kosak laiat, and tantlean nodrek dixtti poddttole forok Ganva-Patlli Somiti ani Mhala-Patlli Somiti nodre mukhar haddat.
Chotrai 1 – GBA kocheri-chean hea kamant adhar divum ieta. 300dpi TIFF format kel'leo scanned high resolution images CD-cher haddlear –
Ponnje Suraj.com vo Classic-a kodden scanning korum ieta. CD-icheo
proti ani chapnnavolli mol farik korun tem kam' korun ghenv ieta.
Thoddea gozalim sombondan, amche lagim kaim nokaxe asum ietat. Dekhun gorje-bhailo khorch vattavpak he vixim amche kodden chovkoxi korat.

Vavr-Kosrot 1 –NOKAXEA PROMANNEM DHORTORER TOXICH STHITI ASA ZALEAR BARKAIEN POLLEVN GHEIAT.

Kosun roitolim xetam nokaxear dakhoil'lim asunk zai, tim Bandavollink
pasun dovorlear.

Ganvkarim (Comunidade) zomin legit hantunt dakhonvk zai.Kiteim ruzvat
aslear, ticho upeg korun ti upkaraiat.
Tumi ECO 1 & ECO2 bhonvtonni-hollvea suvatanr jietat zalear ani
tumchem axil'lem ghor thoim bandavollink mhonnun dakhonvk na, oso
tumkam husko aslear, tumche lagim axil'leo ghor-bhaddem farik kel'leo
pavti, telefona bilam ani her dhoniponna ruzvati kaidexir dakhleam
soit tea tea odhikarea nodrek haddat.
Tumchea dhoniponna khala ECO1 & ECO2 suvatanr bhatta-kunnge asat
zalear, tumcheam-ni te udorgotik lavnk zainant vo te tumcheam-ni
moriadit ritin udorgtik lavum ietat (zoxem ECO2 suvatanr tharail'lem
asa)
Zori Nokaxeanr dakhoil'lea Bandavollik suvatanr ranam-axil'le dongor,
denvte sodde vo udka-vondde/ patt asat, adorx-ritin hanche dhortorer
fottu kaddun dakhleam rupan toiear dovrunk zai, zanchi sor sorvekxonn
ankddeam kodden korunk zai ani kiteim chuk vo forok aslear, ti/ to tea
tea odhikarea nodrek haddunk zai. Hem bodlun ghenvk zata.
¬¬¬¬¬¬¬¬¬¬¬¬¬¬¬Tankta te bhaxen fottu, sorvekxonna ankdde axil'le
dakhle ghevn ruzvat toiear korat ani ti tumchea Ganva-Patlli Somiti
nodre mukhar haddat. Ticher sthanik Panchayaticho xik'ko poddunk zai,
ti voilea odhikrut patllincher manun ghevpachi asli zalear, vo Mhala
(Taluka)-Patlli Somiti ani uprant Raj'ea-Patlli Somiti-kodden gel'li
zai zalear.

Vavra-Kosrot 2-TUMCHEO GORZO THARAIAT ANI TUMCHEA SOMUDAIA KHATIR IEVZONN KORAT.

Tumcho mullavo-dhortore- nokaso spoxtt zalea uprant, tumcheo suvato
samballcheak ani teo favo te bhaxen udorgotik pavonvcheak tumi tantunt
vantto gheieat. Gram-Sobhe-chea DOR-EKLEA VANGDDEAK ek prosnavoll
divunk zai, ji ti/ ta-tannem zap divn bhorun dinvchi. Tumchea mota
promannem ti prosnavoll kiteanui unni poddtta zalear, tumkam mhotvachi
dista ti mhaiti tantunt zoddun gheiat. Dekhik: Sod'ea-axil'leo
pathavolli / paim-vatto, chorva-mollam, piknike-zage khoim asat tim
bott dakhovn diat. Tumchea ganvche ani bhurgeponna- vele rasvoll
ugddas rakhun dovortoleo imaroti-bandavolli ani dhortore-sobit daiza
dekhave su-nischit korun dakhoieat. Hem soglem nokaxear zoddun nond
korcheak Ganva-Patlli Somiti kodden diat. He ritin ghoddie zaiteo
soman-rasvoll rupa suvato savtoleo ani te vixim fuddarak ietle tonntte
soddovpak sompem zatlem. Tumi tea tea odhikarea lagim ditat tea
dakhleanchi ek inward xik'ko maril'li prot tumche lagim aschi
mhonnpachem nischit
korat. Mhala-Patlli Somiti kodden voch'che adim Panchayati xik'ko
axil'lea dakhleank odhikrut man'eotai astoli. Fuddara ievzonn atanch
korat – tumcho ganv apleach bollar adharun ek svotontr bhag koso
vavurcho mhonn kolpona korat, tumcho udka-purvotto samballcheak, xetam
ximpcheak, novkreo rochun haddpak, bazaar varvem korpak suvat
dovorcheak, ani tumcho kochro-koir tabeant dovorpak tumcheo suvato
koxeo manddun ievzonn kortole tem tuminch ievjieat. Rokddi ek gozal
tumcheam-ni sodun kaddum ieta : tumchea ghora lagxil'li Sall vo Iskol,
Bazar-Tintto, Bholaike kendr, Somudaia Kendr kitlem pois asa, vhoi ?
Tumchea ganvant hachi sthiti kitem asa? Heo vostu dusrea zageanr
vhorpachi goroz asa, vhoi? Soman dhortore-sobit suvato ani
udka-vondde- pattam zhori samballcheak tumchea xezara ganvam lagim
tumi sangat-sangodd zoddpachi goroz asa.Goroz ten'na zannkar ani
vevsaik mon'xam modot magat. Hem ghoddie sorkekxok bhaddeak haddun, ganvant ravtolea adlea sevanivrut' zal'lea vo vavurpi vevsaik mon'xam kopxi ani zannvaie upeg korun, vo kaim patievpa-sarkea NGO-nchi modot magun zait. Hea dakhlea nimannea panar oslea raji-toiear lokanchi / pongddanchi volleri chapun dilea ti pollevn ghenvchi.

PRODEXIK IEVZONN 2021 MOSUDO GOBRA-RONGA ANI PACHVEA RONGA
BUNEADI-BANDAVOLLI SONKOLPONA FUDDEM MANDDTTA.

Gobra-ronga buneadi-bandavoll mhollear sogli mon'xan ghoddoil'li
bandavoll, zoxe rai-roste, imaroti, khell-kridda- moidanam, adi. Tem
soglem mosumbi-rongan/ jambllea rongan nokaxanr nondun dakhoilam.
Arthik udorgoti khatir tichi rasvoll goroz asta.

Pachvea-ronga buneadi-bandavoll mhollear amchem soimbik daiz, zoxe
dongor, ranam ani udka-vondde- patt-tollim- tollieo jeo jivitak tenko
ditat. Disa-dispott'tto arthik hixeb kortana he buneadi-bandavollic
her visor poddtta. Hoch ECO1 & ECO2 suvatam adhar.

ECO 1 – UDORGOT NIKHALUS NA MHONNPA SUVATO

DHORTORE UPEG

Bhonvtonni-hollveo Suvato (ECO- 1)

IFI-RANAM
UDORGOT NA TEO DONGRAM-DENVTEO
SOIMBAN MATIL'LIM KHASGI RANAM
RENVE-LOLLE/ RENVE SUVATO

UDKA-VONDDE/ PATT/TOLLIM/ TOLLIEO
XETAM/ KHAZNAM

Bandavolli-suvatam & Eco 1 Bhonvtonni-hollvea suvatam modem tonntto
upraslear, Bandavolli-suvatam poros Eco 1 suvatank poilitai favo zata.
Hanga dakhoil'li dekh 25% vo tache poros chodd denvti axil'lea
'Udorgot Na mhonntta te Denvtechi'. Kaim suvatanr, zoxi Pilerne Ganva
Nokaxeant, ti chukin mosumbi-rongan chitrailea.

Chotrai 1 : Soglea bandavolli suvatam-ni poilim 'Coastal Regulation
Zoning' mhollear doria-velle velea suvatam sombondit kaideank/
Denvteank/ Ifi vo her ranam sombondit kaideank pallo divnk zai.
Tumchea bhagant hem vevharant haddlam zalear khatri korat.

UDORGOT NA TI DENVTI - UDORGOT NA
KAIDEA-BHAIREO MANDDIL'LEO SUVATO

Heo rokddea-rokddem odhikaream nodrek haddat

TUMCHEO UDKA-ZHORI, DONGOR, TOLLPAM ANI RANAM RAKHAT

Amche dongor sponge-bhaxen amchi udka-patlli oddun-on'nun
samballtta. Dongor katorlear ani ranam-zhaddam- rukh marlear udka unnav zavn ieta. Hi sogli amchea somudaia aspot-girestkai. Ticher akromonn kelear tench tumche-amcher akromonn zata. Sokla dil'lem chitr mhollear ek 4-mhoinea dongrachem, zo katrun uddoil'lean, tantlea modlean udok vhanvta. Amchea sobit-dhortorechi udok-samballpachi tank dakholl korta.

ECO 2 – MORIADIT UDORGOTI BHAG

HER BHONVTONNI-HOLLVEO SUVATO (ECO – 2)

KOSUN ROIL'LI ZOMIN
BAGO
MITTHA-AGOR
NUSTEM-MARPA AGOR
XIMPNNE-MANDDAVOLLI UNCHLEO SUVATO
DAIZA SOBIT-DHORTORI

# ECO- 2 suvato udorgoti khatir nhoi – torui astona Bago mhonnun
dakhoil'leo suvato jeo xetkamota khatir upkaraitat, tancheam-ni
moriadit udorgot korum ieta.

# He udorgoti khatir kosli poristhiti asunk zai ti bariksannin 2021
Prodexik Ievzonn Mosudea (DRP2021) dakhleant dilam.

# Je bhatta-kunnge Bandavolli-bhagantu i ANI Bag/ Ran/ CRZ –antui
poddttat, tea purai kunngea FAR Bandavolli-suvater ghalunk zaina,
kiteak he bhaxen bandavolli suvatam khatir ji ievzonn kel'li asa tachi
mokh bhongta. Osle poristhitint fokot khoreli Bandavolli-suvat tantunt
kunngea-suvat mhonnun ghenvk zata.

Chotrai-1-Bago dakhoil'leo suvato khoreaninch ranam zanv ietat vo
tanche bhaxen disum ietat.

# Ek suvat ran mhonnun dovorchi ani NHOI fokot Bag, hem tumchea bhurgeam
boreponna khatir tharavpacho hok'k tumkam asa, hem visrum nakat.

# Hacho fottu kaddat ani nokaxear dil'lea sorvekxonna ankddea kodden
to sam'ko lagta
zalear pollevn gheiat. Hacheo bariksanni tumchea Ganva-Patlli- Somitik dhaddat.
Tantunt bodol korpachi tumchi magnni Mhala-Patlli Somitik dhaddche
poilim, tumkam
fuddarak ankit korun tachi prot dovorpak, ticher Panchayatin manun
maril'lo xik'ko
asa mhonnpachi khatri korat.

TUMCHEA GANVAK LAGTOLEO BARIKSANNI

____________ _________ _________ _________ _________ _________ _

DHORTORE SUVATEK DHORUN BANDPA-ONUPAT( F.A.R.)


GANVA PANCHAYATI SUVATAM-MANDDAVOLL (VP Zoning)
____________ _________ _________ _________ _________ _________
ROSTEA-MARGA RUNDAI
____________ _________ _________ _________ _________ _________

UDORGOTI IEVZONNE SOMBONDAN KAIDE (DPRs)

VORIXTT GHORAM-PROKOLP ANI F.A.R. (FLOOR AREA RATIO)

FAR mhollear kunngea-dhortore- suvat dhorun bandkama onupat.

Sogle fottu dekhi dakhonvcheak spoxttikoronn korun uzvadd ghaltat

Voir bandil'le udorgoti imarotink 80% vo tache poros thoddea bhitor 80 FAR urta.

200 (200%) C 1 FAR ghevn ganva suvat vepara-suvat mhonn rupantorailea tachi dekh..

BANDAVOLLI/ BIRADDA (S/R) ANI VEPARA(C) SUVATANK
VEGVEGLLE FAR DIL'LE ASAT

Central Business District (CBD)
'4' ho ankddo sogleant unnea FAR onupatak dila ani to unnea lokvosti
zageank. C4 ani S4 hea suvatam dekh mhollear Pilerne.

'3' ho ankddo tache poros unchlea FAR-ak dila ani to matxea-unnea
lokvosti zageank. C3 ani S3 suvatam dekh mhollear Porvorim.

'2' ho ankddo tache poros chodd unchlea FAR-ak dila ani tache poros
unnea lokvosti zageank. C2 ani S2 suvatam dekh mhollear Caranzalem..

'1' ho ankddo sogleant unchlea FAR-ak dila ani lokvosti adharun to
dila. C1 ani S1 suvatam dekh mhollear Ponnje Maza Vepara Vibhag
(Panjim Central Business District).

HO 2021 PRODEXIK IEVZONNE MOSUDO TUMCHEA GANVCHE DHORTORER BANDAVOLLI ONUPAT(FAR) THARAVPAK VORIXTT-GHORAM PROKOLPAM VIXIM KITEM TORI KORPAK TUMKAM SOND' DITA .


Lok-gonnti adharan ani udorgotichea dobavan VP1, VP2 vo VP3 mhonnun Ganvam vorgikoronn kelam. Tumi mud'de manddun sanglear, tumcheam-ni tumche Panchayatik sokoilea-panvddea onupat magum ieta. Dekhik, Parra ganv hi magnni korta.

VP 1 VP 2 VP 3

SOKLA DILEA TEO BIRADDA(R) FAR PANCHAYATI DORJEA PROMANNEM (VP RATING)
– Vhoddlea suvatanr tem unnem zata.

Biraddak (R)

Suvat Suvate-kunnge Suvate-kunnge 4000 m2-
4000 m2 sokla ani tache poros voir

VP1 R2(80) R2(60)……………..

VP2 R3(60)……………... R3(40)

VP3 R4(50) ……………... R4(40)

Chotrai -1- 350 chovkonni metram suvate-kunngeank ganva panchayati
dorzo dheanant ghenastona, lokam-ni zonnik biraddam bandchim dekhun, 80 FAR ditole. Panchayatink unno VP dorzo dilear, vhoddlea
ghoram-prokolpam add vavrunk mellttolem ani lhan-san suvatam dhoniank tem kaim lagchem na. Hem tumchea ganvak upkara poddot, vhoi? Tantunt boroil'lim utram sam'kim spoxtt korun gheiat, na zalear bandpi-udorgot korpi tea suvate lhan-san kunngeam-ni vanttnni korun tacho goir-vapor korit.

SOKLA DILEA TE GANAVA-PANCHAYATI DORJEA PROMANNEM DIL'LE VEPARA (C) ONUPAT (FAR). Vhoddleam bhatta-kunngeank tem unnem zata tem chotraien pollevn gheiat.

VEPARAK (C))
Suvat 4000 m2 4000 m2
suvate poros unni suvat ani tache poros vhoddli
VP 1 _____ C3(80) C3(60)

VP2 C4(60) C4(40)

VP3 C4(60) C4(40)


350 chovkonni metram bhatta-kunngeacher 80 FAR–chi ek Dekh

……………………………………………………………………………….

Bandavolli Vorgachi DPR stithi hixebak ghenastona Mullavea vo
Man'eotai mellil'lea 350 chovkonni metram meren vanttun ghal'lea lhan
bhatta-kunngeank 80% FAR ditole.
……………………………………………………………………………………..

Chotrai: Soglea Mhalank (Talukeank) ti sorv'sadharonn
margdorxok-suchovnn i. Tantunt dakhoil'lim lokxonnam (features)
nokaxear poddbimbun ail'le nasot.



Ganva Panchayati (VP) ektthaim kel'le pongodd Prodexik Ievzonn
Mosudear 120 panar dakhoileat. Tumchea ganvak sokoilo Ganva-Panchayati dorzo lagta dista zalear, tumi to toso meklleponnim magcho. Taka avhan divpak Mhaiti-mellchea Hok'ka (RTI) kaidea khala, karonnam ani lokgonnti mhaiti magat, tumcheo svota ievzonneo ghevn tache aiche
sthiti lagim sor korat. Tumche svota survekxok kamak laiat. Dekhik,
Salvador do Mundo ganvak VP1 mhonnun dorzo dila, torui astona tachean tachea sokoilo panvddo magum ieta.

SALLGANV GANVANT KHORELI BANDIL'LI SUVAT UNNIPUNNI 8 FAR (8%) HACHER BOSLEA MHONN TUMI ZANNANT, VHOI?
Ti zor purai 80 FAR bandun haddil'li zalear, kitem zatolem aslem tachi
kolpona korat! Tannim kel'li bandavolli suvate manddavoll fuddlea 50
vorsank puro zatli, title meren tancho lokam-ankddo dupett zatlo
mhonnun dhorun cholchem zalear. Tumchea ganvcho panchayati-dorzo
xanneponnan venchun kaddat ani goroz poddlear, Sorkaran ievzun kel'lea suvate fuddara-chitra add avhan ubem korat.

Goenche bandavolli-sobhav mhollear tholl ani ek mallie ghor vo don
malliam-ghor. Je FAR amcho kalla-bhairo TCP Act kaido aple-svota DPR
ghevn tenko dita, te amchea xezarchea raj'eantlean USNNE haddleat ani
te sorv'sadharonn ritin raxttrik nema-man'donddancher adharleat. Amcho khorelo vostusthiti- sonvsar vegllo, dekhun ami dusre veglle bhaxen ievzonn korum-iea! FAR-acher atam bhasabhas zavunk zai.

ROSTEA-MARGAM VIXIM ZAGRUT RAVAT – He vixim gonddoll na zavpak, he roste-marg DRP(Prodexik Ievzonn Mosudo)-2021 dakhleant para 7, 128 panacher vornnon korun Hok'kachi Vatt asa mhonnun dakhoileat.

RAXTTRIK RAI-ROSTO

RAXTTRIK RAI-ROSTO(SUCHOIL'LO)
RAJ'EA RAI-ROSTO
MUKHEL JIL'LEA MARG
MUKHEL JIL'LEA MARG(SUCHOIL'LO)
MUKHEL PANCHAYATI ROSTE

# Rostea rundai tache degek kosli udorgot zatli tem tharaita ani
tichean tumchea ganva sobhav bodlun haddum ieta.

# Rostea rundai mhollear KUL'LIM RUNDAI zantunt paim-vatto ani
udka-valeti aspavtat. (PDA kocherint vo Sorkari Chapnnavoll- ghorant
mellttoli PDA kaidea-nemavoll hea sondorbhant vachun gheiat).

# Udorgotik-lagil'le bandpi apleo ievzonno 'SUCHOIL'LEA' adharacher
manun ghetat, hem visrunk favona.

# 6 metram rund roste fuddle udorgotik vav ditat, zalear 5 metram rund
roste toxem dinant. Tumche kodden 5 metram rund roste asat zalear te
upkarta, kiteak don vahanam-mottoram addkholl nastona tantlean vochunk zatat. Hem toxench samballchem mhonn tumcheam-ni agro dhorum ieta, chodd korun jen'na atam sod'ea axil'le eke pallnnicho to ek vantto zal'lo aslear.

# 25 metram rundaieche Mukhel Jil'lea Roste (MDR) tumchea
bhatta-kuddkeantlea n vetat zalear topasun polleiat. He roste
ganvam-ganvank zoddun ghetat ani dekhun te Raj'ean khorem mhollear
husbeabhorit samballpache. Tumcheam-ni: 1) Vatt bodolcheak suchonv
ieta; 2) Zhoim bandleat tea suvatank hat lanvk na, torui novea
bandavollim- ni rostea kuxik suvat sanddunk zai mhonn ani thoim
'Khaxelo' dorzo diat mhonn tumi magat; vo 3) Hacher favo tim gorjechim
karonnam dhorun tumcho virodh korat.

MPR vo Mukhel Panchayati Roste

Mukhel Panchayati Rosteam rundai 10 metranchi asunk zai ek pallonn
zalear vo 15 metram rundai dupett pallnnim zalear. Hea hixebant
udkak-valeti ani dege-veleo paim-vatto aspavtat. Tumchea rosteam
rundai topasun gheiat ani atam asat toxeo teo tea dakhleant nant
zalear, teo thoim sarke ritin nondun gheiat.

Sogle fottu dekhink bott dakhovnk ani uzvaddanvk ghaleat.

Lok-ravtolea vosnnukam-ni axil'lea 10 metram rundaie rosteancheo dekhi

C1 SUVATANK, 6-MALLIAM IMAROTINK VO 150 FAR AXIL'LEANK LEGIT UNNEANT UNNEM 10 METRAM RUNDAIE ROSTE DAKHOILEAT, HEM ZANNA ZAIAT! TUMCHO GANV VP1 (MHOLLEAR Ganv Panchayat 1) SUVAT MHONN NOKAXEAR DAKHOILEAR, TEM TUMKAM LAGTA.

Tumcheam-ni taka virodh korum ieta ani 10 metram rundaie rosteancher tache poros unni sokoilea panvddea veli FAR magum ieta, Prodexik Ievzonn azun bhasabhaxek ugti dovorlea astona. Udorgot korpa kodden hi nirdoiall rit ani hichi dekh amkam Ponnje 18 Jun margar pollenvk melltta, zhoim gaddieo dovorpak sarko zago mellona. Te suvater melltta tea kul'lim FAR-achem ORDH legit upkaranvk na!!

FAR-ak dhorun unneant unni rostea rundai favo toxi kitli na mhonnpachem hea chitrant dixtti poddtta. Buneadi-gozalink ani gaddieo dovorpa gorzank porva korinastona ti vepari halchalink vav dita.

Prodexik Ievzonn Mosudea dakhleant 122 te 126 panancher 'Development and Planning Regulations' (DPRs) mhollear Udorgoti ani Ievzonne Nemavolli khala, rostea rundai kitli asunk zai ani degek suvat fattim kitli dovrunk zai tacheo bariksanni dil'leo asat.Teo tumkam lagtat, dekhun teo vachun topasun gheiat.

NOVEO UD'DEGIK SUVATO & SORKARAN GHETIL'LEO NOVEO ZOM'NI

Chotrai 1 : Fokot bhovxik lok-hita khatir Sorkaran zomin-suvat ghevum ieta.

Tumkam vhoddleo ud'degik suvato dakhoil'leo nodrek poddot zalear jeo azun te dhortorer bandunk nant, Mhaiti-mellovn ghenvcho Hok'k upkaraiat ani zomin kiteak ghetil'li ani khoinchea karonna hita khatir, tem vicharun gheiat. Kiteak chodd korun ud'degik suvato mhonnun ghetil'li ani addail'li zomin azun riti poddlea!!

UD'DEGIK
UD'DEGIK VADDE
SORV-SADHARONN UD'DEG
SUCHOIL'LE UD'DEG
BANDAVOLLI SUVATO
MIN KADDTTAT TEO SUVATO
FUDDLE VADDI KHATIR SUVATO

Kitem vankddem vochum ieta tachi dekh ghevn pollevum-iea: Quitol Food Park mhollear Jevnna-Podarth korpak dil'li zomin Sorkaran Prodexik Ievzonn 2021 toiear kortana, tachem ordh golf course-a khatir ani thoim 800 luxury villas ghoram bandtole mhonnun bandpeam-ni jairat dili.

NAGOVNN VO CHUK ? - NOKAXE 1 ANI 2 SOR KORUN POLLEIAT

Pilerne Ganvant Bandavolli suvato koxeo bhovuch vaddoileo tachi dekh sokla dilea

Upogroha fottu-chitr, zhoim Pilerne tollem holldduvea rongan dakhoilam

Mhala(Taluka) nokaxe jen'na pasun Task Force Kar'ia-Somiti koddlean bhair sorleat te TCP Khatean Ganva Nokaxe bhair kaddleat, ten'na meren vetlea don mhonea kallant, kaim bodol tea nokaxeam-ni bhitor ghusleat zait. Tumche nokaxe topasun gheiat ani tantunt kiteim 'zoddun ghetlam' zalear polleiat ani toxem aslear, tankam tonddar vicharat. Kaim gozalim-ni oxem mhonnot ki te bodol fokot Tatpurtea Rajpotrant ail'le – punn Tatpurte bodol dubhavache ani tanche vixim vo add vad-vivad
korum ieta.

Notified Gazette vo Rajpotrant jahir kel'li volleri Town & Country Planning Department-lean ghevn haddum ieta ani ti volleri mana-lekhtolo mhonn Sorkaran sanglam. Ti volleri tumchea sondorbha khatir savegoa website-cher ghalea. Notified Gazette-ntle bodol Taluka nokaxe bhair kaddchea vellar tantunt dakhoil'le asat.

TALUKA nokaso 2021 zhoim suvato dakhoileat –Setembr,2008- ant bhair sorla

GANVA nokaso 2021 zhoim bodol dakhoileat – Novembr,2008- ant bhair sorla

Chotrai 1 : Hi pustika bhair kaddi meren Bandavolli suvato vaddoil'leo sodun mell'lleat te her ganv mhollear Loutulim, Arpora ani Calangute. Tumchea ganvant kitem zalam tem tumi sodun topasun ghetlam, vhoi?

MHAITI-MELLONVCHO HOK'K (RTI) UPKARAIAT

ZOM'NI-UPEGA VO KAIDEA-BHONGAM VIXIM DUBHAV ASLEAR


# 30 dis meren tumcheam-ni ravunk zaina zalear, teo teo sombondit
faili topasche khatir magovn gheiat

# Sombondit dakhlei magovn gheiat

# Orz (application) koxi korcho, tachi dekh uzvean dil'li asa ti
polleiat -------

XYZ Fernandes,
Tumcho Pot'to…..
Tel: ………
Tarikh:………
P.I.O. (Principal Information Officer)
(Mukhel Mhaiti Odhikari),
NG/ SG PDA vo tea tea khateacho Odhikari,
Tacho Pot'to :

Nomoskar,

Vixoi: Mhaiti-Mellovpa Hok'ka(RTI),2005 Kaidea (Kendr
Sorkara Kaido Ank 22/2005)-a khala kel'lo Orz –

Tumchi Vollokh
Zoxem PDA nemavollint sanglam, bhattam-suvatam- dorzo tharaitolea survekxonn ankddeam-ni bodol korpak zonnik-veoktik magnneo tumi manun ghenvchenant punn he vixim fokot 'addmotam'(objections) aikun ghetle mhonn amkam khobor asa. Tea nemavolli 35 (3) Kolma promannem, PDA (Ievzonn ani Udorgoti Odhikarinni) ek somiti nem'toli, zantunt Town Planning Odhikari ani tanchea her vangddeam bhitorle dog zannam poros chodd nhoi oxe aspavtole, nemavolli kolma-bhag (1) khala addmotam manddun aileant tim ti Somiti aikun ghetli ani PDA-n he vixim tharail'le mudoti-vella bhitor, tea addmotam-ni kitlo jiv asa vo na tem apnnem uprant dil'lea vakheant sangtoli.

Ponnje ani Mhapxe-cheam ODPs 2021 (Outline Development Plans) mhollear
Udorgoti-Ievzonneam Arakhdde uzvaddak ailea uprant, PDA-kodden pavil'lea oslea "addmotam" sombondim (toxench zonnik-veoktik magnneam vixim) upkar korun mhaka mhaiti dinvchi.

Tumche prosn
1. Ken'na/ khoinche tarkhe meren Somiti aplo vakho manddttoli
2. Fuddem ail'lim "addmotam" aikun ghetle te Somiti vangddeam nanvam

Mhojea prosnank tumi zap ditana, upkar korun mhozo prosn porto borovn ghenvcho ani taka lagun axil'le boskent tumi dil'li zap bosonvchi. Magil'li mhaiti tumchea khateak lagona oxi tumkam disot zalear, Mhaiti-Mellovpa Hok'k (RTI Act), 2005- Kolom' 6(3), hantunt dil'li tortud pollevn ghenvchi ani te promannem karvai korchi.

Hache borobor Goem Sorkara Rajpotra kollovnni –Sankoll 1 Ank 17 tarikh 26 Julai,2007 pan 619 RTI Act Kaidea,2005 Nemavolli Durusti promannem Rs.10 orz-potti bhorun Court fee stamp lavn ditam.

RTI Act, 2005 kaidean dilea te mudoti-vellak dhorun hanvem magil'li mhaiti tumi mhaka favo kortole mhonn hanv axen vatt polletam.

Tea bhair, teach RTI Act, 2005 Kaidean tortud kel'lea promannem, tumche zapek dhorun fuddem vochun ami tache-add korunk sodtolea poilea appeal odhikarea nanv ani hud'do matxe diat, zache lagim ghoddie, goroz poddlear, mhaka fuddem voch'chem poddot.

Mhaiti magun sodam bhaxen chitt sompoieat - thoim sohokar dinant zalear, tanche pasun fuddem appeal korcheak konna kodden voch'chem ti mhaiti gheiat.

Dev Borem korum

Tumcho/chem. / chi visvaxi,

……………………

Rs.10/-
Dha rupia mola court fee tikett marat

____________ _________ _________ _________ _________ _________

GBA-chi NETTA-MAGNNI – 1
Raxttrabandavollint kel'lea 73vea ani 74vea Durustim promannem (1992) Sorkaran odhikrutponnim Goa Town &Country Planning Act, 1974(TCP)-kaido durust kelea bogor, lokam-ni apleo suchovnneo divpa vavra-prokriek kainch KAIDEXIR PODVI na. Tumchea bhagant, Bharoti nagrik mhonnun, hea natean, tuminch tumche khatir ievzonn toiear korpacho tumcho hok' zavn asa. Raxttrbandavollint dil'lea durustim
vangdda kalla-bhairo Goa TCP Act,1974 ani her toxech lagu zatle Kaide durust korche mhonn magat, nalear tumi kel'lo soglo kosroti-vavr kaidea-bhitor na mhonnun khoincheai vellar mhonnum ieta.

GBA-chi NETTA-MAGNNI – 2
Goa TCP Act kaideak 16 & 16A mhonnun durusti keleo, zachea naddear Sorkaran KHOINCHEAI VELLAR Prodexik Ievzonn chepnna khala ghalum ieta. Hacho orth mhollear Sorkaran kel'lea prokolpam vixim, te bandunk suru kori meren, tumkam kainch kollchem na, ani tanchea add vhoddlean avaz utthovpak tumkam sond' mellchi na. Tacho orth oso ki Sorkaran apnnench kel'le kaide apnnench odhikrutponnim moddunk zatat. Tumchea venchnnuk-mandda (constituency) amdarachem hacher mot kitem tem vicharun gheiat ani lokxaie hok'kam pasot heo lokam-add durusti Sorkaran kaddun uddovncheo mhonnun nettan magat.

GBA-chi NETTA-MAGNNI – 3
Panchayatink ganva-vixim saman-vostum- punzulo dil'lea pasun 90 dis meren Nimanni Prodexik Ievzonn 2021 ganvam-lagchean suchovnneo-motam ghenvcheak ugti asa. Tea bhair rajpotrar jahir zavn ienvche adim ti bhovxik loka-khatir anik ek purai mhoino ugti asunk zai, kiteak tumi kel'le proitn follak aileat zalear pollevpak hi ekuch sond' tumkam urlea. Amkam Prodexik Ievzonn 2011- porti ail'li naka.

Voir dil'leo netta-magnneo tumchea Panchayati chapil'lea-sornameancher (letter-heads) Town&Country Planning Board-ak, tumchea Amdar-ak ani Mukhel-Montreak dhaddunk zai. Tumcheam-ni, tumkam he vixim lagta dekhun, tumchea svota sornameam-cherui netta-magnneo korun potram dhaddum ietat.

16 & 16A DURUSTI NAKARCHEO MHONNUN
CHITTI NOMUNO
____________ _________

Tarikh:

Shri/ Smt.-------- --------- --------- ---haka,
Manest Amdar ……………….Venchnnuk-Mandd,
Goem Vidhan Sobha,
------------ --------- ----Goem.

Vixoi: The Goa Town&Country Planning(Amendment) Act,2008 rod'd korcho.

Sondorbh: 1 - The Goa TCP (Amendment) Bill,2008 (Bill no.14 of 2008) zo Prostav Goem Vidhan Sobhen 2008 Marsant pas kela. 2 – The Goa TCP (Amendment) Ordinance,2008 (Ordinance no.4 of 2008) zo Odh'eadex 2008 Fevrera 29 tarkher kollovnni ank 8/4/2008-LA –soit uzvaddak haddla..

Nomoskar,

Voir dil'lo Prostav zo Goa Town&Country Planning Act, 1974 kaideant 16 ani 16A Kolmam-ni durusti korta, zachea naddear Raj'ea ani Kendr Sorkarank khoinchei "bhovxik prokolp/ ievzonneo/ udorgoti kamam" korpak podvi-sot'ta dilea, jea promannem tannim Goeam khatir kel'lea ani vevharant ghal'lea Prodexik Ievzonne khala tortud kel'lea nemavollink pallo dinastona ravum-ieta, to ien'nador Kaido zavn aila.

Udorgoti pangrunna-nanvan, dhortorer kitem khorelem asa mhonnpachem topasun ghenastona ani lokank bhasabhas korpak ek ugtem zonel dovrinastona, vhoddle-vorixtt bandavollim prokolp amcher ladunk sodtole mhonnpachim amkam bhirant nirmann zalea.He vixim Sorkarank ani tanchea novkrank ani dalank legit dil'li fuddarak soglea kallak xim'-mer naxil'li podvi-sot'ta sarki tharear ghalpak ekuch kaidean mellttolem vokhod mhollear novo-tal'l kaido korun haddpachem.

Vidhan Sobhent barkaien bhasabhas korinastona pas kel'lea kaideant tea Goa TCP Kaideant durusti haddpachi Sorkara kornni mhollear Goeam-khatir kel'lea Prodexik Ievzonn toiear korpa hetu na-nospocheat korcheak Sorkaran aple "Bandavolli Prokolp ani Ievzonno" suru korpachi somantor (parallel) prokria. Tumi, lokam-ni venchun dil'le protinidhi, ani vidhan sobhe vangddi, hea natean, The Goa Town &Country Planning (Amendment) Act,2008 tosoch The Goa RCP (Amendment) Ordinance,2008 (Ordinance no.4 of 2008) zo tache adim ail'lo, te fattlea tarkhechean kaddun uddovnche ani na-noposcheat zanvche dekhun, Vidhan Sobheche 2009 vorsa zatle fuddle boskent ek novo Prostav haddcho mhonnun
Sorkarak som'zaitole mhonnpachi amchi tumche koddlean opkexa asa, hem ami axen ravtanv.

Hea Odh'eadexa vo / ani Kaidea khala "bhovxik prokolp, ievzonneo, udorgoti kamam" mhonnun sangun kel'lo khoinchoi ani soglo vavr portun barkaien topasunk zai ani tanche vixim arpar nodren ani bhovxik kont-hixeb ghevn favo ti sarki karvai korunk zai, zoso to amkam lokxaien dil'lo amcho hok'k zavn asa.

Hi Durusti ami nakartanv mhonn ami tumkam kollovnk sodtanv ani tumi he vixim fuddem ietle Goem Vidhasobhe Boskent favo ti karvai korpak pavl marchem mhonnun magtanv.

Dev Borem Korum.
Tumcho/ chi/ chem. Visvaxi,

Prot/ Nokol : Manest Mukhel Montri, Task Force-Kar'ea-Somiti- RP 2021
Iezman, Goem Sorkar, Sochivaloi, Porvorim-Bardez- Goa.

____________ _________ _________ _________ _________ _________ _

CHITTI NOMUNO
1-73vea &74vea Durusti Aspav
2 -Ganva-Ievzonn bhitor kaddun 90 disam magnni
3-Nimanni Kollovnni kaddisor, 30 dis Ievzonn lokam fuddem dovorchi


Tarikh:
Manest Mukhel Montri, ani
Task Force-Kar'ea-Somiti –RP(Prodexik Ievzonn)2021,
Goem Sorkar, Sochivaloi,
Porvorim-Bardez- Goem

Vixoi: Goem Prodexik Ievzonn Mosudo-2021 sondorbhant Lokam-ni tantunt koso
Vantto Ghevn Ievzonn korchi, he vixim kaim nazuk sonkotta-mud'de

Nomoskar,

Prodexik Ievzonn Mosudo 2021 lokam topasnne khatir ugto dovoril'lo astona, kaim sonkotta-uchamboll- sarkeo gozali tumche nodrek haddcheo mhonnttanv:

# 1 – Lokam-ni he vavra-prokrient vantto ghenvcho mhonnpacho adex Bharati Raxttrbandavolli 243 Kolmant aspavil'lea 73vea ani 74vea Durustim kaideant dil'lo asa Sogle kaide hea durustim mona promannem korun haddunk zai, oxem tem
Kolom' spoxtt ritin sangta, ani dekhun he prokrient Town &Country Planning Act,1974 –hovui kaido aspavta. Jen'na he kaide taktiken durust korun ghetleat ani tantunt 16 & 16A osleo bhong-korpi gozali haddleat, ten'na he kaide Raxttrabodavollin dil'lea adexam promannem kiteak durust korpak zainant, hem amkam som'zun iena. Hea Raj'eantle sogle kaide tea Raxttrbandavollim 73vea ani 74vea durustim promannem rokddea rodde korun ghenvche mhonnpachi amchi
netta-magnni.. .

# 2 – Ganvam vixim mhaiti-saman (village kit) kollav korun dil'lean, Town&Country Planning kocheri-lok jea disa ganvant ietle ani lokak Prodexik-Ievzonne bod'dol som'zonni ditle, tea disa pasun ievzonn topascheak 90 disam mudoti-vell dinvcho mhonnun ami nettan magnni kortanv.

# 3 - Fattle Prodexik Ievzonn 2011-che vellar chokit korun uddoitole bodol kel'le te dheanant dhorun, Prodexik Ievzonn 2021 tichea nimannea rupan, khorelea lokxaie monan rajpotrar jahir korche poilim ek mhoino tori lokam mukhar dovorchi, hem ami nettan magtanv.He vixim ganva-ganvam patllicher kel'le proitn tantunt poddbimbun dixtti poddttole zalear amkam kollpak zai mhonn axen pollevn ravtanv.

Hea gozalim-mud'deancher amkam Sorkarachi spoxtt zap mellttoli ani loka boreponna-hita khatir tache koddlean favo ti rokddea-rokddi ani akhepaiechi karvai korun ietoli mhonn ami vatt pollet ravtanv. Ami tankta title begin tumche sokaratmok zapechi vatt polletanv.

Dev Borem Korum,

Tumcho/chem/ chi/ chim,

( )

Prot/ Nokol: Mukhel Town Planner,Town& Country Planning Department,Govt. of Goa,ani tumchea sthanik venchnnuk-manddantl ea Am'darak.

TOWN & COUNTRY PLANNING-a PRODEXIK IEVZONN VIBHAG SOMPORK (TEKNIKI GOZALIM-NI MODOT SODCHEAK)

Chotrai 1 - Tumkam aikun ghevnchim mhonnun proitn kortana, tum'gelea Vaddea venchun-ail'lo/i Panchayati-vangddi konn to/tem/ ti sodun kaddat ani tumkam lagtoleo gorzo tachea/tichea kana-monar ghalat.
Toch/ Tich tum'geli podvi-sot'ta dakhoitolem vidhan (statement), zoxi ti Raxttrbandavollin man'eo kelea (ani ghoddie tumchea ganvant Ganva-Patlli Somitint vavurtolo/i ek Panch-vangddi zait). Kaidean khorem mhollear tumi kel'lea ievzonne promannem duddu vanttleat, ani Raxttrbandavollint volleri dil'lea 29 kamam-ni (jim huskea-gorje vatthara kamam) te moddunk zai. Hoch khorelo lokam-ni vantto ghetil'lo vavr vo zaka 'Sokoilea patlli-velean ghoddoil'li ievzonn' mhonnttat
ani hem toxem zanvchem dekhun nettan magpacho tumkam hok' dil'lo asa. He vixim tumchea Panchayatint mellttolo Goa Panchayati Raj Kaido Nemavoll vachun gheiat.

FUDDLI VATT TANKCHEAK - UPKARA-PODDPA SOMPORK –

Koir-kochrea Vevosta ani tantlean mostun sarem-korpa Kam'

Xetkamota Punorjivit / Soimbik Xetkamot

Daiza Punorjivit

Z(Doria-velea suvatank nemavoll), Minam, Zonnik-khasgi Ranam


Vikolp-Dusrea Urjea-manddavollim vixim Suchovnneo

Kaideak-lagtoleo Gozali

Nagrik-Xara ani Giraika Hok'

Bandavolli-vixim Tekniki gozali

Panchayati Raj'ea Kendr

Somajik-Arthik Gozali-Prosn

Somajik-Arthik Gozali-Prosn, SEZ (Khaxeleo Arthik Suvato),
Vorixtt-Prokolp ani Sorkari riti-nemavolli

____________ _________ _________ _________ _________ _________
Her zaiteo gozali ani prosn asat je he pustikent ievunk nant, zoxe SEZ, Ud'degik Vadde, Vakhari, Minam, Hottelam, Golf Courses, Khell-Kridda Xar, Futtbol Akademi, Cricket Stadium, Lhan Udde-Dhoke-Bondir, Marinas, Rel-lainni, Rai-Rostea bhailean-marg (bypasses) ani Rosteam-Rundikoronn . Voir dil'lea amchea sondorbham-ni tumchi khaxeli tumi zanna zal'li khobor diat ani khorele akhepaie
khatir tumche lagim axil'li mhaiti amkam ani herankui vanttun ditat mhonnpachi amchi khotkhotean kel'li magnni. Tumkam he vixim kiteim korchem dista zalear, amche lagim sompork sadhat. Tumkam jem vaitt-borem lagta tem nimannekodden Goeankui lagta, hem visrum nakat.

G.B.A.-k KHOBOR DIIT RAVAT – MHAITI EKAMEKAK VANTTUM-IEA

Mhaiti diat ani vanttat – Goa Bachao Abhiyan, 77, Defence Colony, Alto Porvorim,Goa- 403521 – Mobail:9767701245 (sokallchim 9 tim sanje 5 voram meren) – e-mail: goabachaoabhiyan@ gmail.com

Nimanni taj'ji-khobor zai aslear website www.savegoa.com hicher pollevn ghenvchem.

Goa Sudharop he sounsthe palvan bhovxik-loka boreponna-hita khatir hi pustika uzvaddaila. Ho Sorkari dakhlo nhoi. Kaidea kamam khatir, favo te kaidexir dakhle pollevn ghenvche. He pustikent dil'le nokaxe, fottu ani borovp fokot prosnak bott dakhoitat, ani dekhi divn he gozalicher chodd uzvadd ghaltat.

Janer, 2009.

http://groups.yahoo.com/group/gulf-goans/message/23332